ދުނިޔޭގެ އެކި ކަންކޮޅުތަކުގައި ގިނައިން މިފަދަ އަނިޔާ
ލިބޭ ބައެއް މީހުންނަކީ ހަމައެކަނި ފިރިމީހާއަށް ލިބޭ އެއްޗަކަށް ބަރޯސާވެގެން
ތިބޭ މީހުންނެވެ. އަންހެން މީހާ އަށް ލިބޭ އެއްޗަކުން އެކަނި ކުދިން ކޮޅު
ގޮވައިގެން އުޅެވޭނެ ގޮތެއްނެތް އެތައްބަޔަކު މިކަމުގެ ޝިކާރަޔަކަށްވެގެން
ފިރިމީހާކައިރީގައި އުޅެންޖެހިފައި އެބަތިއްބެވެ.
މިފަދައަނިޔާ ލިބޭ އަންހެނުން މަޑުމަޑުން ތިބޭ ސަބަބު
ތަކުގެ ތެރޭގައި ހިމެނޭ އަނެއް ކަމަކީ މުޖުތަމައުގައި އެމީހުންގެ އަގުވެއްޓިދާނެކަމުގެ
ބިރުންނާއި އަދި ފަހުން ފިރިމީހާގެ ފަރާތުން ދިމާވެދާނެ ނުރައްކާތެރި އަނިޔާގެ
ސަބަބުންނެވެ. މިފަދަ ކަންކަމުގެ ސަބަބުން އަންހެނުންނަށް ކަމާއި ބެހޭ
ފަރާތްތަކަށް އެމީހުންނަށް ލިބޭ އެކިއެކި އަނިޔާގެ ވާހަކަ ރިޕޯރޓުކުރަން ފަސްޖެހި
ބިރުގަނެއެވެ. އަދި ރިޕޯރޓް ކުރަން ހަނދާނެގޮތް ނޭގިފައި ތިބޭ މީހުންނާއި އަދި
ރިޕޯރޓްކުރަން ޖެހޭ ފަރާތްތައް ވެސް ނޭގިފައި ތިބޭ މީހުން، ލިބޭ އަނިޔާއަށް
ކެތްކޮށްލައިގެން، ގޭގެ ހަތަރުފާރުގެ އެތެރޭގައި ބަންދުވެފައި އެބަ ތިބެން
ޖެހެއެވެ.
ބައެއް ގައުމުތަކުގައި ދިރިއުޅޭ އަންހެނުން ދެކޭ ގޮތުގައި
އެމީހުންނަށް އަނިޔާ ލިބެނީ އެމީހުންނަކީ ފިރިހެނުންނަށް ވުރެ ނިކަމެތި ބަޔަކަށް
ވާތީއެވެ. އަދި އެމީހުނަށް ކުޑައިރުންސުރެންވެސް ދަސްކޮށްދީފައިވަނީ ފިރިމީހާއަށް
އަބަދުވެސް ކިޔަމަންތެރިކަން އަދާކުރުމަށާއި، ކޮންމެ ފަދަ އަނިޔާއެއް
ލިބިނުކަމުގައި ވިޔަސް ފިރިމީހާ ގާތުން ވަކިނުވުމަށާއި މަރުވަންދެންވެސް
ފިރިމީހާއާއެކު ދިރިއުޅުމަށެވެ.
މިފަދަ އަނިޔާ އަންހެނުނަށް ކުރުމަކީ ހުރިހާ
ގައުމެއްގައިވެސް ހިޔުމަން ރައިޓްސް އާއި ހިލާފު ކަމެކެވެ. މިފަދަ އަނިޔާ
މުޖުތަމައުން ފުހެލުމަށްޓަކައި އެންމެން ގުޅިގެން މަސައްކަތްކުރުމަކީ ވަރަށް
މުހިންމު ކަމެކެވެ. އަދި ރޭޑިއޯއިންނާއި، ޓީވީ އިންނާއި އަދި ތަފާތު ސޯސިއަލް
ނެޓްވޯރކު ބޭނުންކޮށްގެން އަންހެނުންނާއި ފިރިހެނުންވެސް މިކަމަށް
ހޭލުންތެރިކުރުމުގެ ޕްރޮގުރާމު ހިންގުމަކީ ވަރަށް މުހިންމު ކަމެކެއެވެ. މީގެ
އިތުރުން ޤާނޫނާއި ގަވާއިދު ހަދާފަރާތްތަކާއި އަދި ތަންފީޒު ކުރާ ފަރާތްކާއި
އެކިއެކި ޖަމުއިއްޔާ ގުޅިގެން ވެސް މިފަދަ އަނިޔާތައް މުޖުތަމައުއިން
ފުހެލުމަށްޓަކައި މަސައްކަތް ކުރެވިދާނެއެވެ.

No comments:
Post a Comment