Dhirun
  • ފުރަތަމަ ސަފްހާ
  • ސިއްޚީ
    • ތަފާތު ބަލިތައް
    • ދުޅަހެޔޮކަން
    • ރަނގަޅު ކާނާ
    • ކާނާ
  • ޒީނަތްތެރިކަން
  • އިގުތިސާދު
    • ތިއަރީ
    • ހާލަތް
  • އިޖުތިމާއީ
    • މައްސަލަތައް
    • ނިޒާމު
  • ވާހަކަ
    • ހަޤިޤީ
    • ހިޔާލީ
  • މުނިފޫހި
  • އިތުރު ލިޔުންތެރިން

skip to main | skip to sidebar

އެންމެ ފަސް

ފިރިހެނުން އެމީހުންގެ އަނބިންގެ ފަރާތުން އަޑުއެހުމަށް ބޭނުންވަނީ ކޮންކަހަލަ ވާހަކަތަކެއް؟

Saturday, 18 June 2016 | 0 comments









ތިމާކުރާ ކަމަކަށް ތައުރީފުގެ ބަހެއް ބުނެލައިފިނަމަ ކޮންމެ މީހަކުވެސް ހިތްހަމަޖެހޭނެވެ. އަންހެނުން ނުވަތަ އަނބިމީހާ ފަދައިން، ފިރިން ނަކީވެސް މިގޮތަށް ތަޢުރީފުގެ ބަސްތައް އަޑުހެމަށް ބޭނުންވާ ބަޔެކެވެ.  
ކައިވެނި ކޮށްގެން އުޅޭއިރު އެކަކު އަނެކަކުގެ ފަރާތުން ތަޢުރީފުގެ ބަސްތައް އަޑުއިވުން އޮންނަނީ ނާދިރު ކަމަކަށް ވެފައެވެ. ތަޢުރީފުގެ ބަސްތަކުގެ ސަބަބުން ދެމީހުންގެ ގުޅުން އިތުރަށް ބަދެހިވެގެންދެއެވެ. އަނިބިމީހާގެ ފަރާތުން ތިމާގެ ފިރިމީހާއަށް ކުރެވިދާނެ ތަޢުރީފުގެ ބަސްތަކުގެ ތެރޭގައި '' ލޯބީ މިރޭ ތައްޔާރު ވެފައި ހުރިލޭ ވަރަށް ފުރިހަމަ'' ނުވަތަ ފިރިމީހާގެ ފަރާތުން ކެއުމެއް ލިބިއްޖެނަމަ '' މިރޭ ގެ ކެޔުން ވަރަށް މީރު '' ހިމެނެވެ. 

ތިރީގައި މިވާ ކަންތައްތަކަށް ކޮންމެ އަތްބެއްވެސް ވިސްނާލުމަކީ ވަރަށް މުހިންމު ކަމެކެވެ.

1.ފިރިމީހާ ތައްޔާރުވެފައި ހުންނަ ހުރުން ނުވަތަ ޑްރެސް ކޮށްފައި ހުންނަގޮތް؛ އަންހެނުންނާއި ޚިލާފަށް ފިރިހެނުންނަކީ ޕާޓީއަކަށް ދާއިރު ތައްޔާރުވުމަށް އެހާ ގިނަ ވަގުތު ނަގާ ބަޔެއް ނޫނެވެ. ނަމަވެސް ފިރިހެނުންވެސް ތަނަކަށްދާން ތައްޔާރު ވެފައި ހުންނައިރު ތިމާގެ އަނބިމީހާގެ ފަރާތުން ތައްޔާރުވެފައި ހުންނަ ގޮތާއިމެދު ހިތްހަމަ ޖެހޭ ތައުރީފުގެ ބަސްތައް އަޑުއެހުމަށް ބޭނުންވެ. މިގޮތުން އަރައިގެން ހުންނަ ބޫޓު، އަތުކުރީ ގައި އަޅާފައިވާ ގަޑި، ލައިގެން ހުރި ގަމީހުގެ ރީތި ވާހަކަ ބުނެވިދާނެވެ.
2.ފިރިމީހާގެ ފަރާތުން ލިބެންޖެހޭ ފުރިހަމަ އެއްބާރުލުމާއި އެހީތެރިކަން؛ ފިރިމީހާގެ ސަބަބުން ލިބޭ އެހީތެރިކަމާއި އެއްބާރުލުމުގެ ސަބަބުން އަމިއްލަ ނަފުސަށް ކުރާ އިތުބާރު ބޮޑުވެގެންދާ ކަމާއި އަދި ފިރިމީހާގެ ގާތުގައި ހުންނައިރު އެއްވެސް ކަމަކާއި ޖެހުލުންވެ ބިރު ނުގަންނަކަން ބުނެވިދާނެވެ. މިފަދަ ބަސްތަކުގެ ސަބަބުން ތިމާގެ ފިރިމީހާގެ ފިރިހެން ވަންތަކާއި މެދު ހިތްހަމަ ޖެހޭގޮތްވެގެންދެއެވެ.
3.ފިރިމީހާ ގައިން ދުވާ މީރުވަސް؛ ފެންވަރައިގެން ގަޔަށް ސެންޓު ޖަހައިގެން ނުވަތަ މީރުވަސް ދުވާ ޑިޔޮޑޮރަންޓު ބޭނުން ކޮށްފައި ހުންނަ އިރު ފިރިމީހާ ދެކެ ލޯބިވާކަމާއި ގަޔާވާގޮތެއް ހުންނަ ކަން ހާމަ ކުރުމަކީވެސް ވަރަށް މުހިންމު ކަމެކެވެ. މިފަދަ ކަންތަކަށް ތަޢުރީފުގެ ބަސްތައް އަޑުއިވޭނަމަ ފިރިމީހާގެ ފަރާތުން ރިވެތި ރީތި އާދަތައް ފެންނަލޭ ގިނަވާނެވެ.
4.ބޮލުގެ އިސްތަށިގަނޑު؛ އަނބިމީހާގެ ބޮލުގެ އިސްތަށިގަނޑުގައި ފުނާއަޅަން ނަގާ ވަގުތު ފިރިމީހާ ބޮލުގެ އިސްތަށިގަނޑުގައި ފުނާއަޅާކަށް ނުނަގަފާނެވެ. މީގެ މާނައަކީ ފިރިހެނުން އެމީހުންގެ ބޮލުގެ އިސްތަށިގަނޑު ރީތިކޮން ތައްޔާރުވުމަށް ބޭނުން ނުވުމެއްނޫނެވެ. ފިރިހެނުންވެސް ބޮލުގެ އިސްތަށިގަނޑުގައި ފުނާ އަޅާފައި ހުންނަ ގޮތަށް ނުވަތަ ސްޓައިލް ކޮށްފައި ހުންނަ ގޮތަށް ތަޢުރީފު ކުރުމަކީ ވަރަށް މުހިންމު ކަމެކެވެ. މީގެ ހެއްކަކީ ކޮންމެ ފިރިހެނަކުވެސް ބޮލުގެ އިސްތަށިގަނޑު ކޮށާ ނިމުމަށްފަހު، ލޯގަނޑު ކުރިމަތީގައި ހުރެގެން އިސްތަށިގަނޑު ކޮށާފައި ހުރީ ރީތިކޮންތޯ ބަލާ ހަދާނެއެވެ. ނުވަތަ އިސްތަށިގަނޑު ކޮށައިދޭ ފަރާތުން އިސްތަށިގަނޑު ކޮށާފައި ހުރީ ހިތްހަމަޖެހޭ ގޮތަށް ރަނގަޅަށްތޯ އޮޅުން ފިލުވާ ހަދާނެއެވެ.
5.ވިސްނުންތެރިކަމާއި ކުޅަދާނަކަން؛ މިއީ ކޮންމެ މީހަކުވެސް އަޑުއެހުމަށް ޝައުގުވެރިވާ ކަމެކެވެ. ހާއްސަކޮން ތިމާ ކުޑައިރު ކަމެއް ކުރެވިއްޖެނަމަ އެކަމެއް ކުރިލޭ މޮޅުކަމުގެ ވާހަކަ އަޑުއެހުމަށް ބޭނުންވެ. ތިމާ ބޮޑުވެގެން އަންނައިރު ކަމެއް ރަނގަޅަށް ކުރާއިރު ތިމާއަށް ތަޢުރީފު ކުރުމަށް ތިމާވަށައިގެން މީހުން ނުތިބެދާނެއެވެ. ނަމަވެސް ކައިވެނިކޮށްގެން އުޅޭއިރު ފިރިމީހާގެ ފަރާތުން ތައުރީފުގެ ބަސްތައް އަޑުއެހުމަށް ބޭނުންވެ. ހަމަ މިފަދައިން ފިރިމީހާއަށްވެސް، ރަނގަޅު ނުވަތަ މޮޅުކަމެއް ކުރެވޭއިރަށް ތިމާގެ އަނބިމީހާގެ ފަރާތުން ތައުރީފުގެ ބަސްތައް އަޑުއެހުމަށް ބޭނުންވާނެ ކަން ދަންނާށެވެ. 
އިތުރަށް ވިދާޅުވުމަށް
Posted by Unknown at 12:56 0 comments
Email ThisBlogThis!Share to XShare to Facebook
Labels: ހާލަތު, ބަލިތައް, ކާނާ, އިޤުތިޞާދު, އިޖުތިމާއީ, މައްސަލަތައް, ސިއްހީ, ޒީނަތްތެރިކަން

ކުދިންނާއި ދޭތެރޭގައި މަންމައިން އެންމެ ކަންބޮޑުވަނީ ކީއްވެ؟

Wednesday, 15 June 2016 | 0 comments









މަންމަ އަކަށް ވުމަކީ ކޮންމެ މީހަކުވެސް ވަރަށް އުފާވާނެކަމެކެވެ. ހަމަ އެފަދައިން ކުއްޖާ ބޮޑުވަމުން އަންނައިރު ކުއްޖާއަށް ވެދާނެ ކަމަކާއި މެދު ކޮންމެ މަންމަޔަކުވެސް ވިސްނާ ފިކުރުކުރާނެ ކަން ޔަގީންނެވެ. ތިރީގައި މިވަނީ ގިނަ މަންމަ އިން އެމީހުންގެ ކުދިންނާ މެދު އެންމެ ކަންބޮޑުވާ ކަންތަކެވެ.

1.ކުއްޖާއަށް ބޭނުންވާ ފުރިހަމަ ސަލާމަތްތެރިކަމާއި ރައްކާތެރިކަން؛ ކުއްޖާ އިސްކޫލަށްދާއިރު، އިސްކޫލުގެ މާހައުލުން ކުއްޖާއަށް ލިބެންޖެހޭ ފުރިހަމަ ރައްކާތެރިކަމާއި އަދި ކުއްޖާ އުޅެ ބޮޑުވާ މާހުއުލުން ކުއްޖާއަށް ލިބެންޖެހޭ ފުރިހަމަ ސަލާމަތްތެރިކަމާއި މެދު ގިނަ މަންމަ އިން ވިސްނާ ފިކުރުކޮށް ހަދައެވެ. މިކަންތަކާއި މެދު ކަންބޮޑުވެ. ވީމާ ކުއްޖާ އަށް ކުދިންގެ އުމުރު ފުރާއާއި ގުޅޭ ގޮތުން ކުއްޖާ އުޅޭ މާހައުލުން ފެންނަ ކަންތަކާއި އަދި އުޅޭ މީހުންގެ ހަރަކާތްތަކާއި މެދު ހޭލުންތެރި ކުރުމަކީ ވަރަށް މުހިންމު ކަމެކެވެ.
2.ކުއްޖާ ބޭނުންވާހާ ގޮތަކަށް އުޅެން މަސައްކަތްކުރުން؛ ކުއްޖާ ކިރިޔާވެސް ކަމެއް ކުރަން ބޮޑާހާކާ އިރަށް އެކަމެއް ކޮށްދިނުމާއި ކުއްޖާ އުޅޭނެހާ ގޮތަށް އުޅެން ދޫކޮށްލަން ޖެހިދާނެތީވެސް ވަރަށް ގިނަ މަންމަ އިން ކަންބޮޑުވެ. ގިނަ ފަހަރަށް ކުއްޖާ ބޮޑާހާކާއިރަށް ކުއްޖާ އަވަހަށް ހުއްޓާ ލައްވަން ވެގެން ކުއްޖާ ކުރަން ބޭނުންވާ ހުރިހާ ކަމެއް ކޮށްދެވޭ ގޮތް ވެގެންދެވެ. މިކަން މިގޮތަށް ވުމަށް ނޭދޭނަމަ ކުއްޖާ އަށް ވިސްނައިދީގެން ބޭނުންވާ ހުރިހާ ކަމެއް ނުކޮށްދީ ހުއްޓާލުމަކީ ވަރަށް މުހިންމު ކަމެކެވެ.
3.އުމުރުފުރާގެ އެހެން ކުދިންގެ ފަރާތުން ފޯރާ ނުފޫޒު؛ ކޮންމެ ކުއްޖަކަށްވެސް އެކުދިންގެ އުމުރުފުރާގެ އެހެންކުދިންގެ ފަރާތުން ތަފާތު ނުފުޒޫ ފޯރާގޮތްވެގެންދެއެވެ. ބައެއް ކުދިންގެ ފަރާތުން ކުދިންނަށް ރަނގަޅު އާދަ ދަސްވެގެންދާއިރު އަނެއްބައި ކުދިންނަށް ކުދިންގެ ފަރާތުން ގޯސް އާދަ ނުވަތަ ނުރަނގަޅު އާދަތަށް ދަސްވެގެންދެވެ.
4.ކުދިންނަށް ލިބޭ ޖިސްމާނީ އަދި ނަފްސާނީ އަނިޔާ؛ މިހާރަކަށް އައިސް ދިވެހި ރާއްޖޭގައިވެސް މިފަދަ އަނިޔާ ލިބޭ ކުދިން މަދެކޭ ނުބުނެވޭނެއެވެ. ގިނަ ފަހަރަށް ކުއްޖާއަށް މިފަދަ އަނިޔާ ލިބެނީ އާއިލާގެ މެމްބަރެއް ނުވަތަ ގާތް އެކުވެރިއެއްގެ ފަރާތުންނެވެ. މިފަދަ އަނިޔާއެއް  ދަރިއަށް ލިބިދާނެތީވެސް މަންމަ އިން ކަންބޮޑުވެ.
5.ކުއްޖާގެ ގާތް އެކުވެރިންނަކީ ގޯސް ކުދިންތަކަކަށް ވެދާނެކަމުގެ ބިރުވެރިކަން؛ ކުއްޖާ ފުރާވަރަށް އަރާއިރު ވަރަށް ގިނަ ކުދިން ކުއްޖާގެ އެކުވެރިންގެ ގޮތުގައި ގެންގުޅެވެ. މިފަދަ ކުދިންނަކީ ކުއްޖާއާއެކު އުޅެން އެންމެ ރަނގަޅު ބައެއްތޯ ނުވަތަ ނޫންތޯ ބަލަން މަންމަ އިން ބޭނުންވެ.
އިތުރަށް ވިދާޅުވުމަށް
Posted by Unknown at 13:38 0 comments
Email ThisBlogThis!Share to XShare to Facebook
Labels: ހާލަތު, ބަލިތައް, އިޤުތިޞާދު, އިޖުތިމާއީ, މައްސަލަތައް, ސިއްހީ

ކުދިން ލައްވާ ގަދަކަމުން ނުކުރަންވީ ކަންތައްތަކަކީ ކޮބާ؟

Tuesday, 14 June 2016 | 0 comments








ތައްޓަށް އަޅާފައިހުރި ހުރިހާ ކާތަކެތި ހުސްކުރާތި؟ ބޭބެއަށް އަވަހަށް ދޮނެއްދީ. ކޮންމެހެންވެސް މިޔަދު ފަތަން ދަސްކުރާ ކިލާހަށް ދާންވާނެ. މިއީ ގިނަ ބެލެނިވެރިންގެ ފަރާތުން ކުދިންނަށް އަޑުއިވޭ ކަންތައް ތަކުގެ ތެރެއިން ބައެއް ކަންތައްތަކެވެ.
ކުދިންނަން މިފަދަ ކަންތައްތަކުގެ ތެރެއިން އެންމެ ރަނގަޅު ކަންތައްތަކަކީ ކޮބައިކަން ދެނެގަތުމަކީ ބައެއް ފަހަރު ވަރަށް އުދަގޫކަމެކެވެ. ބައެއް ފަހަރު ބެލެނިވެރިން އެކުދިންގެ ލާބަޔާ މަންފާއަށްޓަކައި ވަރަށް ގިނަ ކަންތައްތައް ކުރަން އަމުރުކޮށްހަދެވެ. މިފަދަ ކަންތައްތަކަކީ އެކުދިންގެ އެހާ ޅައުމުރުގައި އެކުދިންނަށް އުފުލޭ ފަދަ ކަންތައްތަކެއް ނޫނެވެ.
މިފަދަ ކަންތައްތަކުގެ ސަބަބުން ބެލެނިވެރިން ހާސިލް ކުރަން ބޭނުންވާ ކަންތައްތައް ހާސިލުނުވެ އެކުދިންނަށް ތަފާތު ނުރަގަނޅު އަސަރުތައް ކުރުވާ ގޮތްވެގެން ދެއެވެ.
ތިރީގައި މިވާ ކަންތައްތައް ކުރުމަށް ކުދިންނަށް މަޖުބޫރު ކުރުމުގެ ކުރިން އެކަންތައް ތަކުން ލިބޭނެ ނަތީޖާއާއި މެދު ވިސްނާލުމަކީ ވަރަށް މުހިންމު ކަމެކެވެ.

1.    އާއިލާގެ މީހުންނަށް އޮންނަ ގާތްގުޅުން ދެއްކުމުގެ ގޮތުން ނުވަތަ ހާމަކުރުމުގެ ގޮތުން އެމީހުންނާއި އެހާ ގައިގޯޅިވެގެން ނުވަތަ ކައިރިކޮން އުޅުމަށް ބާރު ނޭޅުން؛ މިސާލަކަށް ބުނާނަމަ ލޯބިން ބައްދާލުމާއި، އިށީދެގެން އިންނަ އިރު ފައިމަތީގައި އިށީނުމަށް ކުއްޖާ އެކަންތައް ކުރަން ބޭނުން ނުވާނަމަ އެހާ ބޮޑަށް އެކަންތައް ކުރުމަށް އެކުދިންނަށް ބާރު ނާޅާށެވެ. މީގެ ބަދަލުގައި ކުއްޖާ ލައްވާ އާއިލާގެ މީހުންނާއި ސަލާމްކުރުން ނުވަތަ އަތާއި އަތްޖަހާލުން ފަދަ ކަންތައްތައް ކުރެވިދާނެވެ.
2.    ކުއްޖާ ލައްވާ ގަދަކަމުން ކަމަކަށް މަޢާފު އެދުމަށް ބާރު ނޭޅުން؛ ކުއްޖާގެ ރުޅި މަޑުވެ ހަމަޔަކަށް ނޭޅެނިސް އެކުދިންލައްވާ ގަދަކަމުން، ކަމެއް ގޯސްކޮން ކުރެވިފައި ވީނަމަވެސް މަޢާފަށް އެދެން މަޖުބޫރު ނުކުރާށެވެ. ރުޅި މަޑުވެ ހަމަޔަކަށް އެޅެންދެން މަޑުކުރުމަކީ ވަރަށް މުހިންމު ކަމެކެވެ. ފުރަތަމަ ކުއްޖާ އަށް ކުރެވުނީ ގޯސް ޢަމަލެއް ކަން ބުނެދޭށެވެ. އަދި އެކުދިންނަށް ވިސްނައި ދޭށެވެ. އޭގެ ފަހުގައި ހަމަޔަކަށް އެޅުމަށް ވަގުތުދޭށެވެ. ދެން ކުއްޖާއަށް ކުރެވިފައިވާ ނުރަނގަޅު ކަންތައް ރަނގަޅު ކުރާނެ ގޮތް ކިޔައިދޭށެވެ. އެކުދިންލައްވާވެސް އެކަންތައް ރަނގަޅު ކުރެވިދާނެ ގޮތް ބުނުވާށެވެ.
3.    ކުއްޖާލައްވާ ފޮތް ކިއުމަށް ގަދަބާރު ނޭޅުން؛ ކޮންމެ ބެލެނިވެރިޔަކުވެސް ތިމާގެ ދަރިފުޅަކީ އެންމެ މޮޅު ކުއްޖަކަށް ހަދަން ބޭނުންވާނެވެ. ނަމަވެސް ގަދަ ބާރުން ކުއްޖާ ލައްވާ ކަންތައް ކުރުވަން ނޫޅޭށެވެ. ގަދަކަމުން ކިއުއްވާނަމަ ކިއުމުގެ ޝައުގުވެރިކަން ގެއްލި ކުއްޖާއަށް ކިޔާ އެއްޗެއް ދޭހަވުމުގެ މިންވަރު ދަށްވެގެން ދާނެވެ. ކުއްޖާގެ ކިބައިގައި ފޮތް ކިއުމުގެ އާދަ އަށަގަނުވަން ބޭނުންވާނަމަ ބާރަށް އަޑު ހަރުކޮން ކުއްޖާއަށް އަޑު އިވޭތަނުގައި ފޮތް ކިޔާށެވެ. ދިރާސާ ތަކުން ދައްކާ ގޮތުގައި އުމުރު ފުރާއަށް ބަދަލު އަންނަ ވަރަކަށް ކުއްޖާގެ ފޮތް ކިއުމުގެ އާދައަށްވެސް ބަދަލު އަންނާއެވެ. ކުއްޖާގެ ކިބައިގައި މިފަދަ އާދަ އަށަގަނުވަން ބޭނުންވާނަމަ ތުއްތު އިރު ކުއްޖާގެ އުމުރު ފުރާއާއި ގުޅޭ ގޮތަށް ތައްޔާރު ކުރެވިފައިވާ ފޮތް ފަދަ ތަކެތި ހޯދައިދީ ކުއްޖާގެ ކިބައިގައި މިފަދަ އާދަ އަށަގަނުވާށެވެ.
4.    ކުއްޖާ ކުރަން ޝައުގުވެރިކަން ނެތް ކަންތައްތައް ގަދަ ކަމުން ކުއްޖާ ލައްވާ ނުކުރުވުން؛ މިސާލަކަށް ބުނާނަމަ މިޔުޒިކު ދަސް ކުރަން ޝައުގުވެރިކަން ނެތްނަމަ ކުއްޖާ ލައްވާ ގަދަ ކަމުން މިފަދަ ކަންތައް ނުކުރުވާށެވެ.
5.    ކުދިންނަށް ގަދަބާރުން ކާން ނުދިނުން؛ ކުދިން ކާން ނޫޅޭ އިރުވެސް ގަދަ ކަމުން ކާން ދިނުމުގެ ސަބަބުން ފަހުން އެކުދިންނަށް އެކަމުގެ ނޭދެވޭ އަސަރު ކުރެވެ. މީގެ ތެރޭގައި ލިބޭ ގެއްލުން ތަކުގެ ތެރޭގައި ކުދިންނަކީ އެއްވެސް އަމިއްލަ ކޮންޓުރޯލެއް ނެތް، އާރެއް ބާރެއް ނެތް ބައެއް ގޮތުގައި ދެކިގެންދެއެވެ. އަދި ބޮޑުވަމުން އަންނައިރު ކާ ތަކެތި ފެނުމުން ފޫހިވާ ގޮތް ވެގެން ދެއެވެ. މިކަން ރަނގަޅު ކުރުމަށް ބޭނުން ވާނަމަ ރަނގަޅު ކާހިތްވާކަހަލަ މާހައުލެއް ކުއްޖާއަށް ގާއިމު ކޮށްދޭށެވެ. މީގެ ތެރޭގައި ކުރެވިދާނެ ކަންތައްތަކުގެ ތެރޭގައި ބެލެނިވެރިންވެސް ކުއްޖާ ފެންނަ ހިސާބުގައި ކެއުމާއި ނުވަތަ އާއިލާގެ ހުރިހާ މެމްބަރުން އެއްވަގުތެއްގައި ކެއުމުގެ އާދަ އަށަގެނުވުމަކީވެސް މުހިންމު ކަމެކެވެ.
އިތުރަށް ވިދާޅުވުމަށް
Posted by Unknown at 13:24 0 comments
Email ThisBlogThis!Share to XShare to Facebook
Labels: ހާލަތު, ބަލިތައް, އިޤުތިޞާދު, އިޖުތިމާއީ, މައްސަލަތައް, ސިއްހީ

ޒަހަރު

Sunday, 12 June 2016 | 0 comments








'' ކޮންމެ ތަނެއްގައި ހުރި ކަމުގައިވިޔަސް އަހަރެން ކަލާ ދެކެ ލޯބިވަމެވެ. ހިތް ބުނަމުން ދަނީ އަދި ކަލާ އެނބުރި އަންނާނެކަމެވެ. ކޮންމެ ތަނެއްގައި ހުރި ކަމުގައިވިޔަސް ކަލާ އަބަދުވެސް އަހަރެންމަތި ހަނދާންކުރާށެވެ. މޫސުން ބަދަލުވިޔަސް ކަލާ ބަދަލު ނުވާނެކަމަށް ހީކުރަމެވެ. އިންސާނުން ދިރިހުރުމަށް ފެން ބޭނުންވާ ފަދައިން މިޔަދު އަހަރެން މިވަނީ ކަލާގެ ލޯތްބަށް އެދި ފެންބޮވާގަނެފައެވެ. އަވަހަށް އެނބުރި އަންނާށެވެ. މިވަރަށް އަހަރެންގެ ހިތް ނުތަޅުވާށެވެ. ލޯލަށް ނިންޖެއްނާދެއެވެ. ލޯމަރާލާ ކޮންމެ ފަހަރަކު ފެންނަނީ ކަލާގެ ލޯބި ލޯބި ހިނިތުންވުމެވެ. ބަލާލާ ފަރިބެލުމެވެ.'' މި އިބާރާތުން ސިޓީ ލިޔުމަށްފަހު ފަރިޔާލުގެ މޭލް އަށް ފޮނުވާ ލީމެވެ. ފަރިޔާލު ޖަވާބު ދޭނެ އިރަކަށް އިންތިޒާރު ކުރަމުން ދިޔައީމެވެ. ނަމަވެސް ފަރިޔާލުގެ އެއްވެސް ހިލަމެއްވެސް ނުވިއެވެ. ފަރިޔާލަށް އެ މެއިލް ފެންނާނެ ކަމުގެ އެއްވެސް އުއްމީދެއް މިއަދަކުނެތެވެ.

ފޫން ނޭވާއެއް ލުމަށްފަހު ކޮޓަރި ތެރޭގައި ދެކޮޅަށް އެބުރެން ފެށީމެވެ. ހަނދާނެގޮތް ހުސްވި ކަހަލައެވެ. މީހަކަށް ފޯނުން ގުޅާލާނެ ހިތްވަރެއްވެސް ނެތެވެ. އުއްމީދު މުޅިން ގެއްލުނު ކަހަލައެވެ. ނަމަވެސް އިތުރަށް ހިތްވަރު ކުރުމަށްފަހު ރީތި ވެލައިގެން ކޮޓަރިން ބޭރަށް ނުކުތީމެވެ. ފަރިޔާލު ފެނޭތޯއެވެ.

 ނަމަވެސް ވަކި ހިސާބަކަށް ދެވުނު ފަހުން، ބޮލުގައި ރިއްސާތީވެ އެނބުރި ގެއަށް ދިއުމަށްޓަކައި ގެޔާއި ދިމާލަށް ހިގައިގަތީމެވެ. މާޔޫސްވެ އިސްދަށްޖަހައިގެންހުރެ މަގުގެ އެއްފަރާތުން މަޑުމަޑުން ހިނގަމުން ދިޔައީމެވެ. ކުއްލިއަކަށް މީހަކު ގައިގައި ޖެހުނުހެން ހީވެގެން އިސްއުފުލާ ބަލާލީމެވެ. ހިތްބާރަށް ތެޅެންފެށިއެވެ. އުފަލުން ހަނދާނެގޮތް ހުސްވިއެވެ. އެކުއްޖަކީ  އަހަރެންގެ ފަރިޔާލު އެވެ. ފަރިޔާލަށް ގޮވާލުމުގެ ކުރިން އަވަސް ހިނގުމެއްގައި ގޮސް ޖެހިގެން ހުރި ގޯޅިއަށް އެޅިއެވެ. ފަރިޔާލަށް އަހަރެންމީ ދަންނަ މީހަކު ކަމުގައިވެސް ނުވިއެވެ. ނޫނެކެވެ. އެއީ ފަރިޔާލެއް ނޫނެވެ. ފަހަރެއްގައި އަހަރެންނަށް ހީވިގޮތެއްކަމަށްވެސް ވެދާނެއެވެ.  ފަރިޔާލުނަމަ އެހެން ނުހަނދާނެއެވެ. އަހަރެން ފެނުނީމަ ވާހަކަ ދައްކާނެއެވެ. އަހަރެންދެކެ އޭނަ އިންތިހާއަށް ލޯބިވާނެއެވެ. ދުވަހަކުވެސް އަހަރެންނަކަށް ބޭވާތެރިއެއް ނުވާނެއެވެ. ފަރިޔާލު ފެނޭތޯ ބާރު ހިގުމެއްގައި ދިޔައީމެވެ. ނަަމަވެސް ފަރިޔާލު އެޅި ގޯޅިތެރެއިން އެއްވެސް އަންހެން ކުއްޖަކު ފެންނާކަށް ނެތެވެ.

ފުރަތަމަ ފަރިޔާލު ފެނުނު ވަގުތުން ފެށިގެން އަހަރެންގެ ހިތް ފަރިޔާލަށް ހަދިޔާކުރީމެވެ. ދެމީހުން ބައްދަލުވީ ކޮލެޖުގައި އޮތް ޕާޓީއެއްގެ ތެރެއިންނެވެ. ދެމީހުންވެސް ކިޔަވަން އުޅުނު ދުވަސްވަރުއެވެ. ނަމަވެސް ފަރިޔާލު އަށް އަހަރެންގެ ލޯބި ހުށަހެޅި ފުރަތަމަ ފަހަރު ރައްޓެހިވުމަށް ދެކޮޅު ހެދިއެވެ. ކޮންމެވެސް ކުއްޖަކާ ރައްޓެހި ވެގެން އުޅޭ ވާހަކަ ބުންޏެވެ. ނަަމަވެސް އަހަރެން ފަރިޔާލު ދެކެ ލޯބިވާކަން ހާމަކުރީމެވެ. ކަމަކު އެދިއްޖެނަމަ އެންމެ އިސްކަމެއް ދީގެން އެކަމެއް ކޮށްދިނީމެވެ. އެކަނި ގެޔަށް ދާނަމަ ގެޔަށް ގެންގޮސް ދިނީމެވެ. ކޮންމެ ދުވަހަކުވެސް ގުޅާ ފަރިޔާލުގެ ހާލު ބަލާހެދީމެވެ. ބަލިވެ އުޅޭނަމަ އަވަސް ފަރުވާ އަކަށް އެދި ދުޢާކޮށްދެމެވެ. މިހުރިހާ ކަމެއްގެ ސަބަބުން ފަރިޔާލު އަހަރެންދެކެ ހިތްހަމަ ޖެހެން ފެށިއެވެ. ދުވަހަކަށް ފަހު ދުވަހެއް ފާއިތުވެގެން ދިޔަވަރަކަށް ދެމީހުންގެ ގުޅުން ބަދަހިވަމުން ދިޔައެވެ. މި ގުޅުން ލޯތްބަށް ބަދަލުވެގެން ދިޔައެވެ.

ފަރިޔާލުގެ ކިބައިން އެއްވެސް ކަހަލަ އުނިސިފައެއް އަހަރެންނަކަށް ނުފެނެއެވެ. ފަރިޔާލުވެސް އަހަރެންދެކެ އިންތިހާއަށް ލޯބިވާކަން އޭނަގެ ޢަމަލުތަކުން ދޭހަކޮށްދިނެވެ. ދެމީހުންނަކީވެސް، އެކަކު އަނެކަކުގެ އެހީތެރިޔަކަށް ބަދަލުވެގެން ދިޔައެވެ. ދެމީހުންގެ ލޯބީގެ ވާހަކަ ގާތް އެކުވެރިން މިސާލަކަށް ނަގަމުން ދިޔައެވެ. ދެމީހުން ދަންނަ ކޮންމެ ރައްޓެއްސަކުވެސް ދެމީހުންގެ ގުޅުން މުޅި އުމުރަށް ދެމެހެއްޓުމަށް ނަސޭހަތްތެރި ވަމުން ދިޔައެވެ. އަދި ދުވަހަކުވެސް ފަރިޔާލު ދޫނޮށް ނުދިޔުމަށް އެދެމުން ދިޔައެވެ. އަހަރެން މުޅި އުމުރުގައިވެސް ފަރިޔާލު އާއެކު އުޅުމަށް އަޒުމް ކަނޑައެޅީމެވެ. އަހަރެންގެ ފަރާތުން ފަރިޔާލަށް އެއްވެސް ހިތްދަތި ކަމެއް ނުދިނުމަށް ކުރެވެން އޮތްހާ މަސައްކަތެއް ކުރީމެވެ.
ދެމީހުންގެ ކިޔެވުން ނިމުމާއެކު ދެމީހުންގެ ގުޅުން މުޅި އުމުރަށް ދެމެހެއްޓުމަށްޓަކައި ތައްޔާރުވީމެވެ. ދެމީހުންގެ ގުޅުން ޒަވާޖީ ހަޔާތުގެ ގުޅުމަށް ބަދަލުކުރުމަށެވެ. ދެމީހުންވެސް ބޭނުންވީ އަވަހަށް ކައިވެނި ކުރުމަށެވެ. އެތަށް ބައިވަރު ކުދިން ހޯދުމަށެވެ. ކިތަންމެ ބައިވަރު ކުދިން ލިބުނު ކަމުގައިވިޔަސް ހުރިހާ ކުދިންވެސް ލޯބިން ގެންގުޅުމަށެވެ. ނަމަވެސް މިޔަދު މިހެން ވެދާނެކޭ ދުވަހަކުވެސް އަހަރެން ހިތަކަށް ނާރައެވެ.

ފަރިޔާލު ކުއްލިއަކަށް އަހަރެންނާއި ވާހަކަ ދެއްކުން ހުއްޓާލިއެވެ. އަހަރެން ފެނުމުން ފޫހިވާކަމަށް ބުނަމުން ދިޔައެވެ. އަޖައިބެކެވެ. އެހާ ބޮޑަށް ލޯބިވެފައި މީހުން މީހުންދެކެ ކުއްލިއަކަށް ފޫހިވޭ ހެއްޔެވެ؟ ފޫހިވާނަމަ ފޫހިވާ ސަބަބެއްވެސް އޮންނާނެތާއެވެ. ވިސްނާ ވިސްނާވެސް، ޖަވާބެއް ނުލިބުނެވެ. ފަރިޔާލު އަހަރެންދެކެ ފޫހިވާ ސަބަބު އެއްގޮތަކަށްވެސް  ބުނާކަށް ބޭނުމެއްނުވިއެވެ.

އަހަރެން ފަރިޔާލަކަށް ބޭފާތެރިއެއް ނުވަމެވެ. މިޔަދު އޭނަ އަހަރެން ދޫކޮށްފައި ދިޔައީ ކޮންމެވެސް މަޖުބޫރީ ހާލަތެއް ދިމާވެގެން ކަމަށް ވެދާނެއެވެ. ދެމީހުންގެ ލޯތްބަށް ތަންނުދީ ވަގުތާއި ހާލަތެވެ. އެކަމުގައި އަހަރެން ފަރިޔާލު ކުށްވެރިއެއް ނުކުރަމެވެ. ފަރިޔާލު އަހަރެންގެ ހަޔާތުން ވަކީވުމަކީ ލިބިފައިވާ ޖަވާހިރެއް ގެއްލުނު ފަދަކަމެކެވެ. މިއަދު އެޖަވާހިރު ހޯދުމަށް އަހަރެންނަށް ކުރެވުނު ހުރިހާ މަސައްކަތެއް ކުރާނަމެވެ.

އަވާރާ ވެފައި ހުރި މީހެއް ފަދައިން ފަރިޔާލު ފެނޭތޯ ވަށައިގެން ހުރި ގޯޅިތަށް ބަލަމުން ދިޔައީމެވެ. ފަރިޔާލު އޭ ކިޔާފައި އަޑުގެ ނެތްތަނަށް ހަޅޭއްލެވުމަށް ބޭނުންވިއެވެ. ނަމަވެސް މީހުން ހީކޮށްފާނެ އެއްޗަކާއި މެދު ވިސްނާލުމަށްފަހު އެގޮތަށް ކަންތަށްކުރާކަށް ނުކެރުނެވެ. ކަންބޮޑުވެ ފިކުރު ބޮޑުވެފައި ހުރެގެން ދެވުނު ދިމާލެއްވެސް ނޭގުނެވެ. ހޭވެރިކަންވީ ގާތް އެކުވެރިއެއް އައިސް، އަހަރެންގެ ކޮނޑުގައި ޖަހާލުމަށްފަހު، އަހަރެންގެ ނަމުން ގޮވާލުމުންނެވެ. އަހަރެންނަށް ވެފައި ހުރި ގޮތް ފެނިފައި އެކުވެރިޔާ ކަންބޮޑުވިއެވެ. އޭނަގެ އެހީތެރިކަމާއެކު ދެވަނަ ފަހަރަށް ގެޔާއި ދިމާލަށް ދިއުމަށް ހިގައިގަތީމެވެ.

ކުއްލިއަކަށް، ފޯނު ރިންގުވާން ފެށުމުން ފޯނަން ބަލާލީމެވެ. ނުދަންނަ ނަމްބަރެކެވެ. އެހެން ކަމުން ފޯނު ކަނޑާލީމެވެ. ދެވަނަ ފަހަރަށްވެސް އެނަމްބަރުން ފޯނު ކުރަން ފެށުމުން ފޯނުނެގީމެވެ. އެކޮޅުން ވާހަކަ ދައްކަމުން ދިޔައީ ފިރިހެނެކެވެ. ނަން އެހެމުންވެސް ނަން ހާމަކުރަން ބޭނުން ނުވާކަމަށް ބުންޏެވެ. އޭނަގެ ވާހަކަ ދެއްކުން ކުރިޔަށް ގެންދިޔައެވެ. އެކޮޅުން ވާހަކަ ދެއްކި ފަރާތުން ބުނަމުންދިޔައީ ފަރިޔާލު ކައިވެނި ކުރަން އުޅޭވާހަކައެވެ. ފަރިޔާލު އަހަރެންނަށް ބޭވަފާތެރިވި ވާހަކައެވެ.  ކައިވެނި ކުރަނީ ހިޝާން ކިޔާ މީހަކާއި ކަމަށާއި އަދި ކައިވެނި ކުރަނީ ހިޝާން މެން ގޭގައި ކަމަށްވެސް ބުންޏެވެ. ހިޝާން ދިރިއުޅޭ ގޭގެ އެޑްރެސް އަދި އެގޭ ހުންނަ ތަން ބުނެ ދިނުމަށްފަހު ފޯނު ބޭއްވިއެވެ. އަނެއްކާ އެއީ ކާކުބާއެވެ. ކޮންމެ މީހަކު ކަމުގައިވިޔަސް އެއީ ހަގީގަތެއްތޯ ބަލަން ބޭނުންވިއެވެ.  

އެކުވެރިޔާގެ އެހީތެރި ކަމާއެކު ހިޝާން ދިރިއުޅޭ ގެ ހޯދީމެވެ. އެ ގޭ ތެރެއަށް ވަތްއިރު އެކި ދިމާލުގައި މީހުން ޖަމާވެފައި ތިއްބެވެ. ވަރަށް އުދަގުލުން އެއްވެފައި ތިބި މީހުންގެ ތެރެއިން އެންމެ އެތެރެއަށް ވަނީމެވެ. ފެނުނު މަންޒަރުން ހީވީ ހޫނު ފެންއެއްޗެއް މޭމައްޗަށް އަޅާލިހެންނެވެ. ފޯނު ކުރި ފަރާތުން ބުނީ ހަމަ ތެދެކެވެ. ފަރިޔާލު ހުރީ ކައިވެނި ކުރަން ތައްޔާރުވެފައިއެވެ. މަޑު ފިޔާތޮށި ކުލައިގެ ހެދުމެއް ލައިގެން ހުރި އިރު ކުރިއަށްވުރެވެސް ރީތިހެން ހީވެއެވެ.

މަޑުމަޑުން ގޮސް ފަރިޔާލު ކުރިމައްޗަށް ގޮސް ހުއްޓުނީމެވެ. އަހަރެންނަށް މިގޮތަށް ކަންތައް ކުރިގޮތް ސާފުކޮށް ނުދެނީސް، ގެއަށް ނުދާނަމޭ ބުނީމެވެ. ވަރަށް ހާސްވެފައި ހުރެ ފަރިޔާލު އަހަރެންގެ ސުވާލުތަކަށް ޖަވާބު ދޭންފެށިއެވެ. މައްސަލަ އަކީ އަހަރެންކަމުގައި ބުންޏެވެ. އިތުރަށް ފަރިޔާލު ބުނި ގޮތުގައި ފަރިޔާލު ބޭނުންވަނީ މުންސަދިކަމެވެ. ދިރި އުޅުމަކީ ހިތި ޒަހަރު ފަދަ އެއްޗަކަށް ވާކަށް ބޭނުން ނުވާކަމާއި ބޭނުންވަނީ މުއްސަދި ދިރިއުޅުމެއް އުޅެން ކަމަށާއި، ކުރިން އަހަރެން ދެކެ ފޫހިވާ ވާހަކަ ބުނީ އަހަރެންނާއި، ވަކިވުމަށް ހަނދާނެ ގޮތެއް ނޭގިގެން ދެއްކި ބަހަނާއެއް ކަމާއި އެއީ ހިޝާން އާއި ކައިވެނި ކުރުމަށް އަވަހަށް ބޭނުންވާތީ ކަމުގައި ބުންޏެވެ. ހިޝާން ފަރިޔާލު އާއި ބައްދަލުވި ގޮތާއި އެ ދެމީހުންގެ ގުޅުން އިތުރަށް ކިޔާދިނުމަށް ބޭނުން ނުވާ ކަމަށް ބުނުމަށްފަހު އެގެއިން ވީހާވެސް އަވަހަށް ނިކުމެގެން ދިއުމަށް އަހަރެންގެ ގާތުގައި އެދުނެވެ. ދެރަވެ ބަސްހުއްޓިފައި ހުރެ އަހަރެން އެގެއިން ނިކުތީމެވެ.  

އަހަރެންގެ ލޯބީގެ ތަސްވީރުގައި ވަކި ވަރަކަށް ކުލަ ޖެއްސުމަށްފަހު، ވީރާނާ ވެގެން ދިއުމަކީ މިޔަދު އަހަރެންގެ ހަޔާތަަށް އައި އެންމެ ހިތްދަތި ދުވެހެވެ. ބައެއް މީހުންނަށް ލޯތްބަކީ ފޮނި މާމުއި ފަދަ އެއްޗަކަށްވިޔަސް،  މިއަދު ލޯތްބަކީ އަހަރެންނަށް ހިތި ޒަހަރު ފަދަ އެއްޗެކެވެ. ( ނިމުނީ )

އިތުރަށް ވިދާޅުވުމަށް
Posted by Unknown at 13:41 0 comments
Email ThisBlogThis!Share to XShare to Facebook
Labels: ހާލަތު, ހިޔާލީ, ބަލިތައް, އިޖުތިމާއީ, ވާހަކަ, މުނިފޫހިފިލުވުން
Older Posts Home
Subscribe to: Posts (Atom)

މަޤުބޫލު ލިޔުންތައް

  • ފިރިހެނުންގެ ބައެއް ސިއްރު ކަންތައްތައް އެގެން ބޭނުންތަ؟
    ތި ކަނބަލުންގެ ހަޔާތުގެ ބައިވެރިޔާއަކީ ދިމާވާ ކަންތައްތައް ކިޔައިދީ ކަމެއް ދިމާވުމުން އެކަމާމެދު ވިސްނާ ފިކުރުކޮށް ނުވަތަ ...
  • ކައިވެނީގައި ޖެހޭ މައްސަލަތައް ހައްލުކުރާނެ ގޮތް
    ދެބަސްވުމާއި، ކަންކަމުގައި ހިޔާލުތަފާތުވުމާއި، ދެމީހުން އެކަކު އަނެކަކާއި މައްސަލަ ޖެހި ކުދިކުދި ހަމަނުޖެހުން ހި...
  • ފިރިހެނުން ދެކެ އަންހެނުން ލޯބިވަނީ ކީއްވެ؟
    ކޮންމެ އަންހެނަކުވެސް ތިމާ އެމީހަކު ދެކެ ލޯބިވާ ފިރިހެނެއް ބޭނުންވާނެ އެވެ. ކޮންމެ ފިރިހެނަކުވެސް ތިމާ ދެކެ ލޯބިވާ އަނ...
  • ދެމީހުންގެ މެދުގައިވާ ގުޅުންތެރިކަން ދެމެހެއްޓުމަށްޓަކައި ކުރެވިދާނެ ކަންތައްތަކަކީ ކޮބާ؟
    ޒަވާޖީ ހަޔާތެއް ނުވަތަ ލޯބި ވެގެންއުޅޭ ދެމީހުންގެ ދެމެދުގައިވާ ގުޅުންތެރިކަން ދެމެހެއްޓުމަށްޓަކައި، ދެމީހުންގެ ދެމެދުގައ...
  • ހަޔާތުގެ ބައިވެރިޔާއަށް އޮޅުވާލާ މަކަރު ހަދަނީ ކީއްވެ؟
    އެމެރިކާގައި ދާދި ފަހުން ހެދި ދިރާސާއަކުން ދައްކާގޮތުގައި، ކައިވެނި ކޮށްގެން އުޅޭ މީހުންގެ ތެރެއިން %25 ފިރިހެނުންނަކީ، ...

އެކިއެކި ލިޔުންތަކުން

Template modified by : Afey Afra
Copyright © 2011. Dhirun - All Rights Reserved