ބައެއް ޒުވާނުން އަމިއްލައަށް
އިސްނަގައިގެން ނުވަތަ އެކިއެކި ސަބަބުތަކާހުރެ ޒަވާޖީ ހަޔާތެއް ފެއްޓުމަށް
އުޒުރުވެރިވާ ތަން އާދެއެވެ. ބައެއް މީހުން މިގޮތަށް ހުންނަން ދިމާވާ މުހިންމު
ސަބަބުތަކެއް ހުންނައިރު އަނެއް ބަޔަކު އެއްވެސް ސަބަބެއްނެތި ނުވަތަ އުޅޭ
މާހައުލެއްގެ ސަބަބުންވެސް މިގޮތަށް ހުންނަ ތަން އާދެއެވެ. ބައެއް ފަހަރު މިގޮތަށް
އުޒުރުވެރިވާ ސަބަބު ތަކުގެ ތެރޭގައި އެމީހާގެ ވިހީގެ އަހަރުތަށް ގުނަމުން ދާއިރު
އުފަލަންޖެހޭ ޒިންމާ ބޮޑުވުމާއި އަދި ޒަވާޖީ ހަޔާތެއް ފެއްޓުމަށް ބޭނުންވާ ފައިސާ
އަތުގައި ނެތުން ހިމެނެއެވެ. މި ގޮތަށް އުފުލަން ޖެހޭ ޒިންމާ ތަކުގެ ތެރޭގައި
މުސްކުޅި މައިން ބަފައިން ބެލެހެއްޓުމާއި އަދި ހަގަށް ތިބި ކުދިން ގެ ތައުލީމަށް
ގިނަގުނަ ހަރަދު ތަކެއް ކުރުން ހިމެނެއެވެ.
ބައެއް ޒުވާނުން ޒަވާޖީ
ހަޔާތެއް ނުފައްޓާ ހުސްހަށިބައިކޮން ހުންނަށް ބޭނުންވާ ބައެއް ސަބަބު ތަކުގެ
ތެރޭގައި ތިރީގައި މިވާ ބައެއް ސަބަބު ތައް ހިމެނެއެވެ.
·
މީހާގެ ހަށިގަނޑު އުފެދިފައި ހުންނައިރު އައިބު ގޮތެއް ހުރުން
·
ދިގު މުއްދަތަކަށް ދެމިގެންދާ ބައްޔެއް ހުރުން
·
ހަޔާތުގެ ބައިވެރިއެއް ހޯދަން އުދަގޫވުން
·
އަމިއްލައަށް ކައިވެނީގެ ޒިންމާއާއި ލިބޭ ކުދިންގެ ޒިންމާ އުފުލައިގެން
އުޅެން ބޭނުން ނުވުން
·
ތިމާ ބޭނުންވާ ލަނޑުދަތި ހާސިލުކުރުމަށް ޓަކައި ގިނަ ވަގުތު މަސައްކަތުގައި
އުޅެންޖެހުން
·
ތިމާ އުޅޭ މާހައުލުގައި އަންހެނުން ނުވަތަ ފިރިހެނުން އެއް ވަރަކަށް ނެތުން
ނުވަތަ ސެކްސް ރޭޝިއޯ އެއްވަރު ނުވުން
·
ތިމާ އާއި އިދިކޮޅު ޖިންސު ގެ މީހުންނާއި ބައްދަލުވެ އުޅުމުގެ ފުރުސަތު
ކުޑަވުން
·
މައިން ބަފައިންނާއި އެއްބަނޑު އެއްބަފާ ކުދިންގެ ޒިންމާ އުފުލަން ޖެހުން
·
ގާތް ރައްޓެއްސެއް ނުވަތަ އާއިލާގެ މީހެއްގެ ކައިވެނި ކޮންގެން އުޅުނު އިރު
އެމީހުންގެ ކައިވެނީގައި ޖެހޭ މައްސަލަތައް އެގުން ނުވަތަ އެމީހުން އުޅޭ
ހިތާމަވެރި ދިރިއުޅުން މަތިން ހިތައް އަރާފައި ކައިވެނި ކުރަން ޖެހިލުންވުން
·
ކައިވެނި ނުކޮށްވެސް ޖިންސީ ގުޅުން ހިންގާނެ ބައިވެރި އަކު ލިބުން
·
މާ ހާސްކަން ބޮޑު ދިރިއުޅުމެއް އުޅެން ޖެހުން
·
ކައިވެނި ކޮށްގެން އުޅުމަށްވުރެ ކައިވެނި ނުކޮށްހުރެ އެއްތަނުން އަނެއް
ތަނަށް ދަތުރުފަތުރުކޮށް އުޅެން ފަސޭހަވުން
·
ތިމާއާއި އެއްޖިންސުގެ މީހުންނާއި މާ ވަރުގަދަ ރަހުމަތް ތެރިކަމުގެ ގުޅުމެއް
އޮތުން
·
އެއްޖިންސުން ޖިންސީ ގުޅުން ހިންގާ މީހަކަށްވުން

No comments:
Post a Comment