ގައުމެއްގައި ދިރިއުޅޭ ރައްޔިތުންނަށް އެ ގައުމެއްގައި
އޮންނަ ސަރުކާރަކުން ތިޔާގި މުޖުތަމައުއެއް ގާއިމު ކޮށްދިނުމަކީ ވަރަށް މުހިންމު
ކަމެކެވެ. މި ގޮތަށް ތިޔާގި މުޖުތަމައުއެއް ގާއިމު ކޮށްދީފައިވާ ސަރުކާރެއް އޮންނަ
ގައުމު ތަކުގައި ދިރިއުޅޭ ރައްޔިތުންގެ މެދުގައި އެއްވެސް ތަފާތުކުރުމެއް ނެތި،
ވަޒީފާގެ ފުރުސަތު ހޯދައި ދިނުމާއި، ދުޅަހެޔޮ ސިއްހަތެއްގައި ބެހެއްޓުމަށް
ފުރިހަމަ ސިއްހީ ވަސީލަތްތައް ފޯރުކޮށްދިނުމާއި އަދި އެ ގައުމެއްގައި ދިރިއުޅޭ
ރައްޔިތު މީހާ ގައިގަ ހުންނަ ތަފާތު އެކިއެކި ހުނަރުތައް އޭގެ އެންމެ ފުރިހަމަ ގޮތުގައި
ބޭނުންކުރުމުގެ ފުރުސަތުތައް ހޯދައި ދިނުން ހިމެނެއެވެ. އަދި މީގެ އިތުރުންވެސް
ތަފާތު ކުރުމެއްނެތި ކުރާ މަސައްކަތާއި ގުޅޭ އުޖޫރައެއް ދިނުމާއި، ތައުލީމު
އުގެނުމުގެ ފުރުސަތު ހޯދައިދިނުމާއި ދުވަސްވީ މީހުންނަށް ޕެންޝަން ދިނުމުގެ
ނިޒާމެއް ގާއިމު ކޮށްދިނުމުގެ އިތުރުން އެގައުމެއްގައި ދިރިއުޅޭ ރައްޔިތުންނަށް
ފުރިހަމަ ބޯހިޔާވަހިކަމަކާއި އަދި ނަރުދަމާގެ ނިޒާމު ގާއިމު ކޮށްދިނުން
ހިމެނެއެވެ.
ތިޔާގި މުޖުތަމައުއެއް
ގާއިމު ކުރުމަށްޓަކައި ސަރުކާރުން ކުރެވިދާނެ މުހިންމު ބައެއް ކަންތައްތަކުގެ
ތެރޭގައި ތިރީގައި މިވާ ކަންތައްތައް ހިމެނެއެވެ.
· ގައުމުގައި އަމަން އަމާންކަން ޤާއިމުކޮށްދިނުން
· ގައުމެއްގައި ދިރިއުޅޭ ރައްޔިތުންނަށް ލިބެންޖެހޭ ފުރިހަމަ އަސާސީ
ހައްގުތަކާއި މިނިވަންކަމާއި، އުފާވެރިކަން ގާއިމު ކޮށްދިނުން
· ގައުމުގައި ހުންނަ ވަސީލަތްތަކާއި އަދި ތަފާތު އެކިއެކި ރިސޯސް ފަހުގެ
ޖީލުތަކަށްވެސް ބޭނުންކުރެވޭ ގޮތަށް ރައްކާތެރިކޮށް ބެލެހެއްޓުން
· ތަފާތުކުރުމެއްނެތި އެންމެންނަށްވެސް ތައުލީމު އުގެނުމުގެ ފުރުސަތު ހޯދައި
ދިނުން
· އެއްތަނުން އަނެއްތަނަށް ދަތުރުފަތުރު ކުރޭވެނެ ގޮތާއި، ކަރަންޓާއި އަދި ސާފު
ބޯފެން ލިބޭނެ ނިޒާމެއް ގާއިމު ކޮށްދިނުން
· ގައުމުގެ އުފެއްދުންތެރިކަން ރަނގަޅުކުރުމަށް ހިތްވަރު ދިނުމާއި، އަދި މިކަންތައް
ކުރުމަށް ސަރުކާރުން ކޮށްދޭންޖެހޭ ހުރިހާކަމެއް ފުރިހަމަ ގޮތުގައި ކޮށްދިނުން
· ގައުމުގައި ތަފާތު އެކިއެކި އިންޑަސްޓްރީ ، ވިޔާފާރި، ޓުވަރިޒަމް،
މަސްވެރިކަން އަދި ދަނޑުވެރިކަން ކުރުމަށް މަގުފަހި ކޮށްދިނުން
· ވަޒީފާ ނެތް މީހުންނަށް ވަޒީފާގެ ފުރުސަތު ހޯދާދިނުމަށް މަސައްކަތްކުރުން
· މުސްކުޅިންނާއި، ފަގީރުންނާއި އަދި ހާއްސަ އެހީއަށް ބޭނުންވާ މީހުންގެ
ހައްގުތައް ހޯދައިދީ އެމީހުންވެސް އެހެންމީހުންނެކޭ އެއްފަދައިން މުޖުތަމައުގައި
އުޅެވޭނެ ގޮތް ހަދައިދިނުން (މިސާލަކަށް މުސްކުޅިންނަށް ޕެންޝަންދިނުމާއި އަދި
ހާއްސަ އެހީއަށް ބޭނުންވާ ފަރާތްތަކަށާއި ފަގީރުންނަށް ފައިސާގެ އިނާޔަތް ދިނުން)
· ފުރިހަމަ ސިއްހީ ނިޒާމެއް ގާއިމުކޮށްދިނުން
· ތަފާތު އެކިއެކި ކުޅިވަރު ކުޅެވޭނެ ފަދަ ތަންތަން ގާއިމުކޮށްދިނުން
· ގައުމުގެ އެތެރޭންނާއި ބޭރުން ދީފާނެ ހަމަލާއަކަށް ތައްޔާރުވެގެން ތިބުން

No comments:
Post a Comment