ލިބޭ ހާސްކަމާއި
ކަންބޮޑުވުމުގެ ސަބަބުންނާއި ނުވަތަ މައްސަލަތަކެއް ދިމާވެގެން ބައެއް މީހުން
އެމީހުންގެ ހަށިގަނޑަށް ނުވަތަ ނަފްސަށް ގެއްލުންދީ ހަދައެވެ. ދުނިޔޭގެ އާބާދީގެ
ކޮންމެ 100 މީހުންގެ ތެރެއިން އެކަކީ އަމިއްލަ ނަފްސަށް ގެއްލުންދީ ހަދާ މީހެކެވެ.
ފިރިހެނުންނާ އަޅާބަލާއިރު އަންހެނުން، އެމީހުންގެ ހަށިގަނޑަށް ނުވަތަ ނަފްސަށް
އަމިއްލައަށް ގެއްލުން ދީ ހަދާލެއްގިނައެވެ. އަމިއްލަ ހަށިގަނޑަށް ގެއްލުން
ދިނުމަކީ އެމީހަކު އަމިއްލައަށް މަރުވުމެއް ނޫނެވެ. ނަމަވެސް މިއަމަލު ފެންނަ
މީހުން އަމިއްލައަށް މަރުވުމުގެ ފުރުސަތު ބޮޑުކަން ދިރާސާތަކުން ދައްކައެވެ.
އާއްމު ގޮތެއްގައި
މި އަމަލު ފެންނަނީ ޒުވާން އުމުރު ފުރާއަށް އަރާވަރު ކުދިންގެ ފަރާތުންނާއި އަދި
ޒުވާނުންގެ ފަރާތުންނެވެ. ބައެއް މީހުންގެ ފަރާތުން މިއަމަލު ފެންނަނީ ކުޑަވަގުތު ކޮޅަކަށެވެ.
އޭގެ ފަހުގައި ހުއްޓާލައެވެ. ނަމަވެސް އަނެއްބައި މީހުން ދޭތެރެ ދޭތެރެއިން
މިއަމަލު ތަކުރާރުކޮށް ހަދައެވެ.
އަމިއްލަ
ހަށިގަނޑަށް ދޭ ބައެއް ގެއްލުންތައް ތެރޭގައި ތިރީގައި މިވާ ބައެއް ކަންތައްތައް
ހިމެނެއެވެ.
1.
އަމިއްލަ ހަށިގަނޑުގެ އެތައްމިތަނުގައި ވަޅިން ނުވަތަ ރޭޒަރު އެޅުން
2.
ހަށިގަނޑުގެ އެތައްމިތަނުގައި އަމިއްލަ އަތުން ތެޅުން ނުވަތަ
ފާރުތަންތަނުގައި އަތުން ތެޅުން
3. ސިގިރެޓް، ލައިޓަރ ނުވަތަ އުއްބައްތި ފަދަތަކެތި ބޭނުންކޮށްގެން ހަށިގަނޑުގެ
އެތައްމިތަނުގައި ޖައްސާ ފިއްސާލުން
4.
އިސްތަށިގަނޑަށް ދެމުން
5.
ހަށިގަނޑުގެ ގުނަވަންތަނުގައިވާ ކަށިތައް ބިންދުން ނުވަތަ ބިންދަން
މަސައްކަތްކުރުން
6.
ނޭފަތަށް ނުވަތަ އަނގަޔަށް ތަފާތު އެއްޗެހިލައިގެން ކޮއްޕުން
މިއަމަލު ފެންނަ
ގިނަމީހުން މިކަންކުރަނީ އެމީހުންގެ ހިތްތަކަށް ލިބޭ ނުތަނަވަސްކަން ފިލުވާލުމުގެ
ބޭނުމުގަޔާއި އަދި އެމީހުންނަށް ދިމާވާ މައްސަލަތައް ހައްލުކުރުމުގެ ބޭނުމުގައެވެ.
ދިރާސާތަކުން ދައްކާ ގޮތުގައި ގިނަ ޒުވާން އުމުރު ފުރާވަރަށް އަރާކުދިން މިފަދަ
އަމަލުތައް ތަކުރާރުކުރަނީ އެމީހުންގެ އެކަނިވެރިކަމާއި، މަޔޫސްކަމާއި އަދި
ރުޅިވެރިކަން ހުއްޓުވާލުމުގެ ބޭނުމުގައެވެ.
ނަމަވެސް މިފަދަ
ކަންތައްތަކުގެ ސަބަބުން ލިބޭ ހިތްހަމަޖެހުމަށްވުރެ ހަށިގަނޑަށް ލިބޭ ގެއްލުން
ބޮޑުވެގެންދެއެވެ. ވީމާ މިފަދަ އަމަލުތައް އެއްވެސް މީހެއްގެ ފަރާތުން ފެންނަނަމަ،
ވީހާވެސް އަވަހަކަށް ޑޮކްޓަރ އަށް ދެއްކުން ނުވަތަ ކައުންސެލިންގ ދިނުމަކީ ވަރަށް
މުހިންމު ކަމެކެވެ.

No comments:
Post a Comment