Dhirun
  • ފުރަތަމަ ސަފްހާ
  • ސިއްޚީ
    • ތަފާތު ބަލިތައް
    • ދުޅަހެޔޮކަން
    • ރަނގަޅު ކާނާ
    • ކާނާ
  • ޒީނަތްތެރިކަން
  • އިގުތިސާދު
    • ތިއަރީ
    • ހާލަތް
  • އިޖުތިމާއީ
    • މައްސަލަތައް
    • ނިޒާމު
  • ވާހަކަ
    • ހަޤިޤީ
    • ހިޔާލީ
  • މުނިފޫހި
  • އިތުރު ލިޔުންތެރިން

skip to main | skip to sidebar
Blogger Tips and TricksLatest Tips And TricksBlogger Tricks

Widgets

Home » އިޖުތިމާއީ , ވާހަކަ » ދިރިއުޅުމަށް އައި ބަދަލު

ދިރިއުޅުމަށް އައި ބަދަލު

Wednesday, 29 April 2015 | 0 comments











ވަމުން އަންނަ ގޮތް ކުރިން އަހަރެންނަށް އެގުނު ނަމަ މިއަދު ހުރިހާ ކަމެއްވެސް ވަރަށް ރަނގަޅަށް ދިޔައީސްކަން ޔަގީނެވެ. އޭރު އެކަނި ކޮޓަރިއެއްގެ ތެރޭގައި ބަންދުވެފައި އިންއިރު ސިނކުޑީގައި އެތައް ހިޔާލުތަކެއް ދައުރުވަމުން ދިޔައެވެ. ހަދާނެގޮތް ވަނީ ހުސްވެފައެވެ. ފަސޭހައިން ކަންތައްތައް ރަނގަޅު ނުވާނެ ކަންވެސް އެގުނެވެ. އެހެންވެ އެކަނި ގިނަވަގުތު ކޮޓަރިތެރޭގައި ބަންދުވެފައި އިނީމެވެ.

އޭލެވެލް ނިންމުމަށްފަހު، އިތުރަށް ކިޔަވަން ދިއުމަށްޓަކައި ކުރި މަސައްކަތުން ފަސްޓް ޑިގްރީ ހެދުމަށްޓަކައި ފުރުސަތު ލިބުނެވެ. ނަމަވެސް އަންހެންކުއްޖެއްކަމުން، މައިންބަފައިންނާ ވަކިން ކިޔަވަން ނުފޮނުވަން މަސައްކަތްކުރިއެވެ. ނަމަވެސް ކުރި އާދޭހުގެ ބޮޑުކަމުން ފަހުން ކިޔަވަން ދިއުމަށްޓަކައި ގޭ މީހުން އެއްބަސް ވިއެވެ. އަމިއްލަ އާއިލާއާ ވަކިން، އެކަނި ކިޔަވަމުން ދިޔަ ދުވަސްވަރުކަމުން، އުޅެމުން ދިޔައީ އެކުވެރިންނާއެކު ތަނެއް ކުއްޔަށް ހިފައިގެން އެމީހުންނާ އެކުގައެވެ. އެހެންކަމުން ބައެއް ފަހަރު ބޭނުންވާ ތަކެތި ގަތުމަށާއި ކޮލެޖަށް ކިޔަވަންދާއިރު، އެކަނިވެސް ބޭރަށް ދާންޖެހޭ ފަހަރު އާދެއެވެ. ބޭރުގައި އުޅޭއިރު، އަހަރެންނާ ދިމާޔަށް  މީހުން ބަލާއިރު ވަރަށް ލަދުގަނެވެ. އެހެންވެ، ފަހުންފަހުން އައިސް ކޮލެޖަށް ކިޔަވަން ދިއުން މުޅިންހެން ހުއްޓާލީމެވެ. އަދި އަހަރެންގެ އެކުވެރިން ބޭރަށް ދާއިރު އަހަރެން ގޭތެރޭގައި އެކަނި ވަގުތުތައް ހޭދަކުރަމުން ދިޔައީމެވެ.

މިހެން ބުނިކަމުގައިވިޔަސް، މަދުމަދުން ޕާޓީތަކަށް ގޮސްހަދަމެވެ. މިގޮތަށް ޕާޓީތަކަށް ގޮސް އުޅޭއިރު ހަދާނެ ގޮތެއް ނޭގިފައި ހުންނަށް ޖެހެއެވެ. ވަށައިގެންވާ މީހުން ވާހަކަ ދައްކާ އިރު ވަރަށް އުދަގޫވާގޮތްތަކެއް ހުރެއެވެ. އެހެންވެ، އަހަރެން އެމީހުންނަކާ ވާހަކަ ދައްކާކަށް ބޭނުމެއް ނުވެއެވެ. އަހަރެންނަކީ އެހެން މީހުންނާ ތަފާތު މީހެއްކަން އަހަރެންނަށް އިހުސާސް ކުރެވެން ފެށިއެވެ. މިކަމުގެ އުދަގޫ ދުވަހެއް ދުވަހަކަށް އިތުރުވާން ފެށުމުން ޑޮކްޓަރުގެ ލަފަޔާއި އިރުސާދު ހޯދުމަށް ގަސްތު ކުރީމެވެ.
އޭރު، ހޮސްޕިޓަލުން މިކަމުގައި ފަރުވާ ހޯދަމުން ދިޔައިރު، ދެން އަހަރެން ގެ ދިރިއުޅުން އަނބުރާ އަހަރެންނަށް ލިބިދާނެ ހެންވެސް ހިއެއްނުވިއެވެ.

މީގެ ހަތަރު އަހަރު ކުރިއެވެ. އޭރު އަހަރެންގެ އުމުރަކީ 18 އަހަރެވެ. ޑޮކްޓަރަށް ދެއްކުމުން އަހަރެންގެ ބައްޔަކީ '' އެނެރެކްސިއާ ނާވޯސާ ޑިސްއޯޑަރ '' ކަން އެގުނެއެވެ. ބަލީގެ އަލާމަތްތައް ޑޮކްޓަރ އަހަރެންނަށް ކިޔާދޭންފެށިއެވެ. އަހަރެން ޑޮކްޓަރ ދެއްކި ވާހަކަތައް ކަނުލާ އަޑުއެހީމެވެ. ޑޮކްޓަރ އެކިޔައިދިނީ މުޅިން ތެދުވާހަކަތަކެވެ. އަހަރެން އަބަދުވެސް ފަލަ ވެދާނެތީ އުޅެނީ ކެއުމަށް ބަލައިގެންނެވެ. އަހަރެންނަށް އަބަދުވެސް އަހަރެން ފަލަހެން ހީވެއެވެ. ދުވަހެއް ދުވަހަކުން ބަރުދަން އިތުރުވާހެންވެސް ހީވެއެވެ. އަބަދުވެސް އަހަރެން ހުންނަނީ ޝައްކެއްގެ ތެރޭގައެވެ. އެހެންވެ ހަށިގަނޑު ރީތިކޮން ބެހެއްޓުމަށްޓަކައި އަހަރެން އަބަދުވެސް އުޅެނީ ހަށިގަނޑަށް ބަލައިގެންނެވެ. ކެއުމާ ވަރަށް ދުރުގައެވެ. ކާއިރުގައިވެސް ކާތަކެތި ބައިބަޔަށް ބަހައިގެން އެތިއެތި ކޮޅުން ކައިހަދަމެވެ. އަދި ދެން ބާކީ ތަކެތި އެހެންމީހުންނަށް ފޮރުވާ އުކާލާވެސް ހަދަމެވެ. އަހަރެންގެ މި ބައްޔާއެކު، އެއްވެސް އެގުމަކާ ނުލާ އަހަރެންނަށް ޑިޕްރެޝަންގެ އަލާމަތްތައް ފެންނަށް ފެށިއެވެ.
 އަހަރެންގެ ދިރިއުޅުން އަހަރެންގެ މައިންބަފައިންގެ ގާތަށް ބަދަލުކުރީމެވެ. ތެރަޕިސްޓެއްގެ އެހީތެރިކަމާއެކު މި ކަމުގެ ފަރުވާއެއްގެ ގޮތުން ތެރަޕީ ނަގަން ފެށީމެވެ. އަދި މުޅިއެކު ހަތަރު އަހަރުވަންދެން މި ފަރުވާ އަހަރެން ހޯދީމެވެ. މީގެ އިތުރުން، އަހެރެންގެ ފަރުވާގެ އަސްލަކީ އަހަރެންނަށް ވަމުންދާ އުދަގޫތައް ފޮތެއްގައި ލިއުމާއި އަހަރެންގެ އާއިލާގެ މީހުންގެ އެހީތެރިކަމާއި އެއްބާރުލުމެވެ.

މިއަދު އަހަރެން މުޅިން ރަނގަޅު ނުވިކަމުގައި ވިޔަސް ކުރިއަށްވުރެ ވަރަށް ބޮޑުތަން ވަނީ ރަނގަޅުވެފައެވެ. މިއީ އަހަރެންގެ މިންނެތް މަސައްކަތުގެ ނަތީޖާއެވެ. ހިތްވަރުގަދަ ކަމުގެ އަޒުމެވެ. އަހަރެން އަހަރެންގެ ޒަމީރާ ހަގުރާމަ ކުރީމެވެ. އަހަރެންނަކީ ފުރިހަމަ މީހަކަށް ވެވޭތޯ ވަރަށް ބޮޑަށް މަސައްކަތްކުރީމެވެ. މިހިސާބަށް އަހަރެންނަށް އާދެވުމުގައި އެހީތެރިކަން ފޯރުކޮށްދިން މީހެއްގެ ގޮތުގައި، އަހަރެންގެ ދައްތަގެ އެހީތެރިކަމާއި އެއްބާރުލުން ހިމެނެއެވެ.


އަހަރެންގެ އެކުވެރިންނޭ! ކަމެއް ދިމާވުމުން އެކަނި ކޮޓަރިތެރޭގައި ބަންދުވެފައި ނުތިބޭށެވެ. އާއިލާގެ މެމްބަރުންނާއި، ގާތް ރަހުމަތްތެރިންނާއި އަދި ކަމުގެ ތަޖުރިބާހުރި ޕްރޮފެޝަނަލް މީހުންނާއި ދިމާވާ ކަންތައްތައް ހިއްސާ ކުރާށެވެ. މިއަދު އަހަރެން މިކަމުން ސަލާމަތް ވަމުންދާއިރު މިފަދަ ކަމެއް ދިމާވާ ކޮންމެ މީހަކަށްވެސް މި ފުރުސަތު އެބައޮތެވެ. ބޭނުންވަނީ ހިތްވަރާއި އަޒުމެވެ. އޭރުން ކޮންމެ މީހަކަށްވެސް ކާމިޔާބު ވާނެއެވެ. މިއީ އަހަރެންގެ ދިރިއުޅުމަށް އައި ބަދަލުގެ ވާހަކައެވެ.   ( ނިމުނީ )
Share this article :

ސުރުހީ އާއި ގުޅޭ ލިޔުންތައް

Posted by Unknown at 08:54
Email ThisBlogThis!Share to XShare to Facebook
Labels: އިޖުތިމާއީ, ވާހަކަ

No comments:

Post a Comment

Newer Post Older Post Home
Subscribe to: Post Comments (Atom)

މަޤުބޫލު ލިޔުންތައް

  • ފިރިހެނުންގެ ބައެއް ސިއްރު ކަންތައްތައް އެގެން ބޭނުންތަ؟
    ތި ކަނބަލުންގެ ހަޔާތުގެ ބައިވެރިޔާއަކީ ދިމާވާ ކަންތައްތައް ކިޔައިދީ ކަމެއް ދިމާވުމުން އެކަމާމެދު ވިސްނާ ފިކުރުކޮށް ނުވަތަ ...
  • ކައިވެނީގައި ޖެހޭ މައްސަލަތައް ހައްލުކުރާނެ ގޮތް
    ދެބަސްވުމާއި، ކަންކަމުގައި ހިޔާލުތަފާތުވުމާއި، ދެމީހުން އެކަކު އަނެކަކާއި މައްސަލަ ޖެހި ކުދިކުދި ހަމަނުޖެހުން ހި...
  • ފިރިހެނުން ދެކެ އަންހެނުން ލޯބިވަނީ ކީއްވެ؟
    ކޮންމެ އަންހެނަކުވެސް ތިމާ އެމީހަކު ދެކެ ލޯބިވާ ފިރިހެނެއް ބޭނުންވާނެ އެވެ. ކޮންމެ ފިރިހެނަކުވެސް ތިމާ ދެކެ ލޯބިވާ އަނ...
  • ދެމީހުންގެ މެދުގައިވާ ގުޅުންތެރިކަން ދެމެހެއްޓުމަށްޓަކައި ކުރެވިދާނެ ކަންތައްތަކަކީ ކޮބާ؟
    ޒަވާޖީ ހަޔާތެއް ނުވަތަ ލޯބި ވެގެންއުޅޭ ދެމީހުންގެ ދެމެދުގައިވާ ގުޅުންތެރިކަން ދެމެހެއްޓުމަށްޓަކައި، ދެމީހުންގެ ދެމެދުގައ...
  • ހަޔާތުގެ ބައިވެރިޔާއަށް އޮޅުވާލާ މަކަރު ހަދަނީ ކީއްވެ؟
    އެމެރިކާގައި ދާދި ފަހުން ހެދި ދިރާސާއަކުން ދައްކާގޮތުގައި، ކައިވެނި ކޮށްގެން އުޅޭ މީހުންގެ ތެރެއިން %25 ފިރިހެނުންނަކީ، ...

Find Us on Facebook

About Me

Unknown
View my complete profile

Template modified by : Afey Afra
Copyright © 2011. Dhirun - All Rights Reserved